ორსართულიანი ეზოიანი სახლი ავლაბარში, სადაც ანა დოლიძე მეუღლესა და ორ შვილთან ერთად ცხოვრობს
ტვ-პირველზე დილის ლაივში გოგოლა კალანდაძე ცნობილ ადამიანებს სტუმრობს ხოლმე სახლში. ამჯერად მისი მასპინძელი ცნობილი იურისტი და უფლებადამცველი ანა დოლიძე გახლდათ. ანა ხანგრძლივად ცხოვრობდა საზღვარგარეთ, ბოლო წლებში დაბრუნდა საქართველოში და ავლაბარში იყიდა კერძო სახლი. ამ სახლში ახლა მეუღლესა და ორ შვილთან, ასევე ძიძასთან ერთად ცხოვრობს. აქვე სტუმრობენ ხშირად დედა და დედამთილი. ანა ამბობს, რომ ძალიან უყვარს მცენარეები და პირველ რიგში ამიტომ გააკეთა არჩევანი კერძო, ეზოიან სახლზე.
