დაათვალიერეთ ნინო სუხიშვილის წყნეთის აგარაკი, რომელიც ნინო რამიშვილსა და ილიკო სუხიშვილს ეკუთვნოდათ
დაათვალიერეთ ნინო სუხიშვილის წყნეთის აგარაკი, რომელიც ნინო რამიშვილსა და ილიკო სუხიშვილს ეკუთვნოდათ. ნინო სუხიშვილმა ტელეკომპანია “მთავარის” დილის გადაცემას უმასპინძლა წყნეთის აგარაკზე, რომელიც ჯერ კიდევ მისი ცნობილი წინაპრების დროს აშენდა და მას მერე არაფერი შეცვლილა.
ის გასული საუკუნის 50-იან წლებში აშენდა და დღემდე აქვს შენარჩუნებული ძველი იერი.
ნინომ ჟურნალისტს უთხრა, რომ დილას სუფთა ჰაერის ჩასუნთქვით იწყებს, რის შემდეგაც შავ ყავას სვამს.
აღმოჩნდა, რომ ის ხაჭოს პასკას დედის რეცეპტით ამზადებს და წელს რამდენჯერმე გააკეთა.
ნინო დატვირთული რეჟიმის გამო, დილით საუზმეს ვერ ასწრებს, იზოლაციაში ყოფნის დროს კი ჭამის მადა დაეკარგა, რაც წონაზეც აისახა.
„დიეტა არაა აუცილებელი. უნდა ჭამო ყველაფერი რაც გინდა, ოღონდ ცოტ-ცოტა“ – ამბობს ის.
ირკვევა, რომ ნიანუ ნინო რამიშვილზე წიგნს წერს, რომელიც ლეგენდარულ ქორეოგრაფს სულ სხვა თვალით დაანახებს საზოგადოებას.
დისტანციურმა პერიოდმა ნინო და ილიკო სუხიშვილების საქმიანობაც მოიცვა, გაირკვა, რომ ისინი დისტანციურად მუშაობენ ახალ ქორეოგრაფიაზე და კოსტიუმებზე.