კომპანია „კნაუფი“ სამშენებლო მასალებისა და სისტემების ერთ-ერთი წამყვანი მწარმოებელია. ხუთივე კონტინენტზე, 80-ზე მეტ ქვეყანაში, 220-ზე მეტ ადგილას არსებობს კნაუფის წარმომადგენლობა საწარმოო ობიექტებისა და ორგანიზაციების სახით. კნაუფის ქარხნები აწარმოებენ თანამედროვე მშრალი მშენებლობის სისტემებს, ბათქაშსა და შესაბამის ინვენტარს, თბოიზოლაციის ერთიან სისტემებს, საღებავებს, დასასხმელ იატაკებსა და იატაკის სისტემებს, მანქანებს და ხელსაწყოებს აღნიშნულ პროდუქციაზე სამუშაოდ.
